Blogs

पॉवर टिलरमधील रोटोव्हेटरचा वापर नांगरट, ढेकळे बारीक करणे, जुन्या पिकांचे अवशेष काढणे, चिखलणी करण्यासाठी केला जातो. यामधील अर्ध गोलाकार कुदळीसारखे फाळ हे कोरडी नांगरट, तणनियंत्रण, खोली नांगरट यासाठी वापरले जातात. कल्टीव्हेटर ही यंत्रणा फळबाग, वनशेतीमधील मशागतीसाठी उपयुक्त आहे. वेळ व मजुरांची बचत तसेच पशुशक्तीला पर्याय म्हणून शेतकऱ्यांसाठी पॉवर टिलर हे यंत्र विकसित करण्यात आले आहे. या यंत्राद्वारे कोरडी नांगरणी, चिखलणी, मशागत व अंतर्गत मशागत, पाण्याचा पंप चालवण्यापासून ते कीडनाशक फवारणीची कामे करता येतात. याचबरोबरीने वाहतूक, भात भरडणी, उसाचे चरक चालवणे ही सर्व कामे करणे देखील शक्य आहे.